ا.باهار"

تومورجوقلار چيرتلايير

باخيشيريق

سانكي ايللردير تانيشيق!

هاوا دولور- بوشالير بيزيم ساغليغيميزا

اور­ك ­­­لريميز اويانير!

عقربه لر وورولورلار بيري بيرينه

عقربه­­­ لر تله­­ سيرلر!

تقويم صحيفه لرينده،سرخوشوق يازيريق

قيشين يورغونلوغو كؤچور چيينيميزدن!

2.ياي"

چيچك­­­­لر غرورلا ميوه­لشيرلر

هاوا قيزيشير اوركلريميز تك

گونش دريلمه لي بير آلما

سئويشيريك

اورك لريميز آليشير ،

داشيريق بيري­بيري­ميزدن!

دؤشه­ييريك اولدوز چؤره­يه هر گئجه

واختيميز يوخ- تقويم صحيفه­لرينده نوت يازماق اوچون

سئويريك يالنيز!

3. پاييز"

چاليرلار آلماميزي بوداق­لاريميزدان

هاوا توتولور " ياد بولودلارلا"!

هاوا قورتولور

بوغازيميزا تيخيلير- سئويرم­لر

يارپاق تؤكوروك آغاجلار كيمي

سوپورور بير سوپورگه­چي،سئوگي سؤزجوك­لريميزي­

اوره­ك­لريميز سيخيلير

ياپيشميريق بيري­بيري­ميزه

آيريليريق!

سانكي ايل­لردير اؤزگه­ييك

4.قيش"

قيشا هئچ نه قالماييب

بوش­دور

.      .

. .

..

..

..      

.

آیدین آراز